Atieno ongeyo tedo
Kwone chiek magol odeyo
Jaber kotedo dek
To welo medo didek
Ringe yom, ichwako giyien mobar
Jomakalo eyo kowinjo suya to dwa mana ni obar
Omende ka ibilo to iweyo dhi Kosewe
Ayaye nyathini ong’e tedo diel nyaka lewe
Jodongo kochamo kwon Atieno
To muomo mudho mandiwa gotieno
Gikelo mbaka e dhoda
Kaigalo ni ariambo to penj Rubot wuod Ododa
Obiro koni kaka jaduong’ Othwele mabakane ok rum
Sechego to oseneno ka iro dum
Atieno ong’eyo pidho welo
Kawendo odonjo nyaka oted gweno
gwen opidho mopong’o osera
To donge nyathini jahera?
ologo welo gi pi ma mamormor
miyo welo chiemo gimor
gik medo ndhadhu bende en go kanyo
Dania, hoho, saumu gi karot oromo kado
Apilo makech bende omiyi iketo kendi kaka idwaro
Atieno nyar Ahero to ahero
Jaberni omiyo aweyo sero
Nikech ong’eyo rito ode
Dak imiene giweche chode
Jaberni osekwalo chunya chuth
opogore ginyiri matimre kathuth
ma oheri ka ingi mwandu
bang’e to giringi ka chogo ma onge ndhadhu
Jaber orito wuod nyar kumabor
Wuoyi tinde iye opong’o bor
Ka adonjo jaber miya nyuka
Ok nyuka anyuka okalo ka
nyuka mobagi to oole ei agwata
Sukari okelo e mesa aketo kenda
Bang’ nyuka to aluokra gi pi maliet
Bang’ luok to achamo kuon maliet
Sechego jaber otwe suka lilo, denda bet maliet
Bang’ kuon anindo kuom del mayom to liet
ouma gi onget maliet
kiny ka achiewo to chae maliet
Adhi tich gi chuny mokwe
Omiyo nyathi Ahero to ahero
Omiyo afwenyo ni jadhako ruoth.
iwache kare jakababa.
Bende Atieno ong’e ni ipake malich kama?
LikeLiked by 1 person
Atieno pok owinjo wachni…debedie ni Atieno nyalo somo blogs deber ndi. Erokamano Makagutu kuom somo wachni
LikeLike
Ndalo osekalo mang’eny nyaka asom dholuo. Iloya wuod wegi
LikeLike
Ok kamano wuod Luo, wechegi lure kaka gibiro, sechemoko dholuo emadhuole gi ndhadhune tee. An agombo buge mag dholuo to otama yudo. ji mang’eny ndiko gi dho ngere nikech gisomo gik mathoth ma ondik gi dho ngere..chik yot, gik ma isomo ema ihero ndiko anto samoro andiko gi dholuo nikech adongo dala kuma iwache nyaka ei od penj
LikeLike
Oboke maondik gi dholuo ne asomo chon kanepod atin. Skul mane asome ne ok wanyal wacho dholuo. Chik ne odagi.
LikeLiked by 1 person
mano kare an awacho dholuo nyaka form four, chik ni oketi to newagwenyore gi chik omiyo dholuo wang’eyo maber berie..buge dholuo to tin aduwa..an ne asomo
LikeLike
Hahaha. Sikundu no ne ber kare. Gwenyrwok gi chik e marwa ne tek ka kidi.
LikeLiked by 1 person
hahaha ka 98% mar jopuonjre gin joluo en wach mane mang’ato keti gi kisungu matek nono yawa
LikeLike
Haha. Wan noketwa gi dholuo to asomo Uyoma. Aparo ni wan 99% joluo
LikeLiked by 1 person
hahaha ne in Jachianda High koso?
LikeLike
Yes, an jakojungo
LikeLiked by 1 person
Mano ne pok awinjo wuod luo..an negiluonga Ramba to jonyuol otera Raliew
LikeLike
Ne waluongo chianda ni kojungo. In wuod asembo? An jasembo siger
LikeLiked by 1 person
An wuod Asembo Mahaya but mahaya dispensary kanyo
LikeLike
Aha, mahaya kanyo ang’e matin. Najakalo kanyo ka adhi chianda
LikeLike
an ne asomo buk moro chon iluongo ni ‘Ogilo gi Rao’ ne ondik kod Asenath Bole Odaga..tinde ok giyudre
LikeLike
Ok anyal paro oboke Mar dholuo mane asomo mogik
LikeLike
Acheko blognino en blog maduong’ kendo aneno ka weche lamo bende iromo godo iye sidang’
LikeLike
An ok an ja kanisa to atemo puonjo Ji ni mondo gipenjre ni gik ma giketo eyie gi go nochoponwa nade.
LikeLiked by 1 person
Manober wuod luo, kuma iyude kwe mari ema imokoe..yie mar ng’ato bende nyalo mana change emomiyo laktar madongo matimo nonro thietho gi “Placebo”
LikeLike
iwacho kare. ka ing’iyo kanyakla mawadakie, jokanisa wuondore ni gin ema ginyalo nyiso ji yo maginyalo dak. Gidwaro ndiko chike kaluwore kod puonj mag kanise gi. Gigi duto kelo pogruok e kanyakla.
LikeLiked by 1 person
Mano kare, an ahero chike mariwo oganda, yie moro amora makelo sigu ok en yie makare emomiyo ng’ato ber ka ononre en Owuon mi ong’e kuma odhie marach. religion should free not enslave
LikeLike
Iwache kare kendo. Thoth Ji ok ngiye kaka iwache ni. Giparo ni gin e jo adieri jok moko duto olal.
Edala nitie jo roho. Gimosre ni jopolo. Jok moko duto olal, gin jopiny
LikeLiked by 1 person
hahaha ndalo moko ne apenjo moro ni jopiny to gin ng’a giri mi dwoke otama…Anto aonge wach gi yie ng’ato tek mana ni ok en yie mokawo jomoko kaka joma ok oromo…yie maketo jomoko ei chuodho kendo kwedo adieri mar jomoko ma ok ong’iyo wach manie iye kuro en yie ma ok nikare….Your belief system is your problem provided it doesn’t limit mine or any other person’s
LikeLike
Moko nitie egweng’ may fwayo mana neji. Onge gima awacho ga kodgi.
Iwacho adier. Ng’ato ka Ng’ato onego ket yie mabor gi kama kanyakla chokre.
LikeLiked by 1 person
Ler kwaja, rit yieni in iwuon, moloyo duto to onego dhano nen maber niwach ndalo olokre ma hono manetimore ndalo machon sani ok nee gi wang. yiero en mar ng’at mapache oyawore maber
LikeLike