Atieno Onge’yo Tedo

Atieno ongeyo tedo
Kwone chiek magol odeyo
Jaber kotedo dek
To welo medo didek
Ringe yom, ichwako giyien mobar
Jomakalo eyo kowinjo suya to dwa mana ni obar
Omende ka ibilo to iweyo dhi Kosewe
Ayaye nyathini ong’e tedo diel nyaka lewe

Jodongo kochamo kwon Atieno
To muomo mudho mandiwa gotieno
Gikelo mbaka e dhoda
Kaigalo ni ariambo to penj Rubot wuod Ododa
Obiro koni kaka jaduong’ Othwele mabakane ok rum
Sechego to oseneno ka iro dum

Atieno ong’eyo pidho welo
Kawendo odonjo nyaka oted gweno
gwen opidho mopong’o osera
To donge nyathini jahera?

ologo welo gi pi ma mamormor
miyo welo chiemo gimor
gik medo ndhadhu bende en go kanyo
Dania, hoho, saumu gi karot oromo kado
Apilo makech bende omiyi iketo kendi kaka idwaro

Atieno nyar Ahero to ahero
Jaberni omiyo aweyo sero
Nikech ong’eyo rito ode
Dak imiene giweche chode
Jaberni osekwalo chunya chuth
opogore ginyiri matimre kathuth
ma oheri ka ingi mwandu
bang’e to giringi ka chogo ma onge ndhadhu

Jaber orito wuod nyar kumabor
Wuoyi tinde iye opong’o bor
Ka adonjo jaber miya nyuka
Ok nyuka anyuka okalo ka
nyuka mobagi to oole ei agwata
Sukari okelo e mesa aketo kenda

Bang’ nyuka to aluokra gi pi maliet
Bang’ luok to achamo kuon maliet
Sechego jaber otwe suka lilo, denda bet maliet
Bang’ kuon anindo kuom del mayom to liet
ouma gi onget maliet
kiny ka achiewo to chae maliet
Adhi tich gi chuny mokwe
Omiyo nyathi Ahero to ahero
Omiyo afwenyo ni jadhako ruoth.

Advertisements

26 thoughts on “Atieno Onge’yo Tedo”

        1. Ok kamano wuod Luo, wechegi lure kaka gibiro, sechemoko dholuo emadhuole gi ndhadhune tee. An agombo buge mag dholuo to otama yudo. ji mang’eny ndiko gi dho ngere nikech gisomo gik mathoth ma ondik gi dho ngere..chik yot, gik ma isomo ema ihero ndiko anto samoro andiko gi dholuo nikech adongo dala kuma iwache nyaka ei od penj

          Like

                1. Mano kare, an ahero chike mariwo oganda, yie moro amora makelo sigu ok en yie makare emomiyo ng’ato ber ka ononre en Owuon mi ong’e kuma odhie marach. religion should free not enslave

                  Like

                    1. hahaha ndalo moko ne apenjo moro ni jopiny to gin ng’a giri mi dwoke otama…Anto aonge wach gi yie ng’ato tek mana ni ok en yie mokawo jomoko kaka joma ok oromo…yie maketo jomoko ei chuodho kendo kwedo adieri mar jomoko ma ok ong’iyo wach manie iye kuro en yie ma ok nikare….Your belief system is your problem provided it doesn’t limit mine or any other person’s

                      Like

                    2. Ler kwaja, rit yieni in iwuon, moloyo duto to onego dhano nen maber niwach ndalo olokre ma hono manetimore ndalo machon sani ok nee gi wang. yiero en mar ng’at mapache oyawore maber

                      Like

Share a Comment

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s